fragmento el "La naissance à l'envers" (la inversa naskiĝo) de André Marie.

La pilkego tre ofte ĉeestas en la Buiti'. Ĝi estas simbola figuro, kiun oni trovas en ĉiuj temploj, pendigita ĉe la fosto aù ĉefe super la citro. 

Rito, kiu antaùas la finon de Meyaya', konsistas el vera pilkoludo en la templo. La Yombo' iras en la ĉambron de la citroj, kie oni konservas la pilkegon, kiun ŝi prenas kaj donas al la Nganga'. La Yombo-j stariĝas fronte al la Nganga-oj kaj la du grupoj ĵetas la pilkegon unu al la alia. Fine la centra Nganga-o reprenas la pilkegon kaj rondiras ĉirkaù la Mbandja', sekvata de ĉiuj geludintoj.

La pilkoludon konsideras la Buiti-anoj kiel la simbolon mem de la amuzo kaj de la feliĉego de la sanktuloj.

R. Bureau kolektis alian komentarion, kiu translokigas la simbolecon de la ludo mem al la objekto : "...la beatuloj havas la formon de buloj malpezaj kiel la aero kaj travideblaj kiel la akvo, kiuj turniĝe flirtas sub la piedoj de la inicitoj liberigitaj de la gravitaj fortoj". ( 1972, 1.p.60 )

Ni precizigu, ke la bildo de la bobelo aù de la bulo korespondas kun la stato, kiu antaùas la reenkorpiĝon de la spirito. Fakte la skemo de la sfero aù de la rondeco estas sufiĉe ambaùsenca ĉar foje oni retrovas ĝin baze de la prezentado de la Evus', la principo de la sorĉarto. ( vidu Louis Mallart - Guimera - Art. "Ni dos ni ventre. Religion, magie et sorcellerie chez les evuzok (Cameroun)" in "L'Homme", aprilon/junion 1975, XV (2), p.35 kaj 65).